"Cheers!"

Vandag is 'n mooi dag! Die glasogie(s) het weer kom kuier! En ek kon baie foto's neem, want die rooi koeldrank is heerlik soet en net wat klein glasogies nodig het om lank en gelukkig in my tuin te kom woon! Geniet die video!

Rooi koeldrank is nie net vir kinders nie.

Toe ons kinders was, was rooi koeldrank die hoogtepunt van 'n verjaarsdagpartytjie! Nou is dit die spreekwoordelike wortel voor die geveerdes se snawels! Ja, ek het 'n bottel vol rooi gekleurde suikerwater aan die perskeboom se tak gehang en raai wie was my eerste besoeker?
Glasogie homselwers.

'n Geseënde oomblik voorwaar! Ek hoop om ook suikerbekkies op dié manier nader te lok.